O primeiro equipo do Club Deportivo xa conta con novo adestrador: Yago Iglesias
O Club Deportivo Lugo anunciou a Yago Iglesias como novo adestrador do primeiro equipo albivermello, firmando por unha tempada máis outra opcional, en función dos obxectivos, e será presentado oficialmente o vindeiro martes, 24 de xuño, ás 12:00 horas nas oficinas do estadio Anxo Carro.
Iglesias (Santiago de Compostela, 1982) aterra no conxunto lucense tras protagonizar unha tempada histórica á fronte do Pontevedra CF, co que logrou o ascenso á Primeira Federación na campaña 2024/25. Ademais, o seu equipo foi unha das grandes revelacións da Copa do Rei, alcanzando os oitavos de final despois de eliminar a tres equipos de Primeira División: o Levante UD, o Villarreal CF e o RCD Mallorca.
Con 42 anos, Yago Iglesias conta cunha ampla traxectoria nos bancos de clubes como a SD Compostela, o Zamora CF ou o propio Pontevedra CF, nos que impuxo un estilo recoñecible e competitivo. A súa incorporación ao CD Lugo responde á vontade da entidade de apostar por profesionais que coñezan a identidade galega e que se sintan parte do proxecto.