O PSdeG leva a súa campaña electoral á feira de Becerreá para defender os servizos públicos no rural

LugoXa
Patricia Otero, Ismael Carcedo e César Mogo conversaron coa veciñanza sobre as necesidades dos concellos rurais de cara ás eleccións xerais do 29 de novembro
PSdeG Lugo_Feira_Becerreá
19 Nov 2026

As candidatas e candidatos do PSdeG ao Congreso e ao Senado por Lugo achegaron a súa campaña electoral á feira de Becerreá. Patricia Otero e Ismael Carcedo, números un e catro da lista socialista ao Congreso, respectivamente, e César Mogo, candidato ao Senado, percorreron os postos e repartiron material electoral, ao tempo que conversaron coa veciñanza sobre o que está en xogo para o rural nas eleccións xerais do próximo 29 de novembro.

Durante o encontro, os representantes socialistas defenderon a necesidade de reforzar os servizos públicos e garantir a continuidade dos investimentos do Estado nos concellos rurais, que consideran fundamentais para atender as necesidades da poboación e favorecer o desenvolvemento destas zonas.

No percorrido estiveron acompañados pola secretaria xeral da agrupación socialista de Becerreá, Bibiana Pereira, así como por alcaldes e portavoces do PSdeG de comarcas limítrofes. Tras a visita á feira, Patricia Otero, César Mogo e Ismael Carcedo compartiron un xantar con compañeiros e compañeiras da agrupación local e da comarca.

0.16102695465088