Orbazai celebra este sábado a súa X Foliada
LugoXa
A decima edición da Foliada de Orbazai arrancará ás 14 horas cunha churrascada popular para a que é necesaria a reserva.
![Foliada Orbazai](https://lugoxa.com/wp-content/uploads/2022/05/Foliada-Orbazai.jpg)
16 Xuño 2022
A parroquia de Orbazai celebra este sábado, 18 de xuño, a súa tradicional Foliada. A décima edición desta festa arrancará ás 14 horas cunha churrascada popular para a que é necesaria a reserva.
Será a partir das 18 horas cando comece a festa. E é que Madia Leva, Son de Lugh, Reviravolta e Airiños de Orbazai amenizarán a tarde con música tradicional. Ás 21 horas arrancará a foliada popular con degustación de pinchos.
Para a reserva da churrascada, será necesario contactar no enderezo electrónico airinosdeorbazai@hotmail.com
![Foliada de Orbazai](https://lugoxa.com/wp-content/uploads/thumbs/2022/06/Foliada-de-Orbazai-200x430.jpg)