Os Cinco Ríos do Corgo organiza unha charla sobre ciberseguridade con Cruz Vermella

A Asociación Os Cinco Ríos do Corgo organiza o vindeiro 20 de novembro unha charla sobre ciberseguridade impartida por Cruz Vermella, que terá lugar ás 19:00 horas na antiga escola do Corgo.
A sesión ofrecerá pautas para identificar e previr riscos na internet, con especial atención á detección de posibles estafas e á protección da seguridade bancaria. Tamén se abordarán cuestións relacionadas coas compras en liña e co uso seguro dos dispositivos electrónicos.
A iniciativa busca achegar ferramentas e coñecementos prácticos para que os participantes poidan navegar pola rede con maior seguridade e confianza.