Actualidade

A Secretaria Provincial e Deputada Autonómica, Patricia Otero e o Secretario de Organización, Juan José Díaz Valiño, acompañados dos candidatos ao Congreso e ao Senado, mantiveron na Casa da Cultura de Foz, unha xuntanza de traballo cos voceiros da Mariña para analizar a folla de ruta de traballo das vindeiras datas. “O futuro de Alcoa é que mais nos preocupa a todos os socialistas, e queremos enviar unha mensaxe de tranquilidade, xa que o Goberno de Pedro Sánchez nunca vai abandonar nin aos seus traballadores, nin as súas familias. Todos seguimos traballando, cóbado con cóbado, para atopar unha solución”.

Patricia Otero denunciou a deixadez e o abandono do Goberno de Feijoo coa comarca da Mariña. “A día de hoxe non existe ningún proxecto relevante do PP de Feijoo para os máis de 70.000 veciños da contorna. A Feijoo e a Balseiro, nin están, nin se lles esperan. Por poñer un exemplo da súa política sectaria, no Concello de Trabada puidemos comprobar como hai uns días a alcaldesa, Mayra García pelexaba por manter aberta a unidade infantil da súa vila, e só atopou atrancos e impedimentos por parte do PP, e ata que a pecharon non pararon, iso si, sen poñer enriba da mesa nin unha soa solución a este grave problema como é a despoboación”, espetou.

Nesa liña criticou a “discriminación constante e a nula sensibilidade demostrada do PP coa atención sanitaria na Mariña de Lugo”. E lembrou que o PP “vetou unha proposta socialista para recuperar ao persoal recortado na ambulancia medicalizada e o servizo 24 horas na ambulancia asistencial de Foz”, dixo.

Pola contra a Secretaria Provincial puxo enriba da mesa o traballo do Goberno de Pedro Sánchez nestes meses na Mariña. “O Ministerio de Fomento xa deu luz verde ao do treito Foz-Barreiros dá Autovía dá Mariña (A-74), que vén de superar o trámite de información pública e que conta cun investimento estimado de 241,4 millóns de euros. Ademais, tamén se anunciou a contratación por 2,04 millóns de euros dos prototipos para paliar os efectos da néboa sobre o tramo da A-8 entre Mondoñedo e A Xesta. Outra vella reivindicación, a iluminación da Ponte dos Santos xa é unha realidade, tras as sucesivas negativas do PP. Tamén se licitaron obras do novo Centro de Atención e Información da Seguridade Social en Viveiro cun investimento de preto de 1 millón de euros”, citou a modo de exemplo.

Otero remarca que as políticas sociais seguen sendo o ADN do PSOE. “Por iso  vamos a seguir traballando dende o PSdeG-PSOE para que a Comarca da Mariña non quede relegada. Dende o Goberno de Pedro Sánchez impulsáronse iniciativas de apoio para erradicar a violencia de xénero, o reto demográfico, o sector lácteo, axudas autónomos, vivenda, e por suposto a suba das pensións a máis de 117.000 lucenses e do SIM. E esta vai ser a nosa folla de ruta, seguir traballando ante a inacción do Goberno de Feijoo”, resumiu.