Outeiro de Rei celebrará esta fin de semana unha nova proba da VF Challenge Moto Race
LugoXa | TerraChaXa
A competición terá lugar no Circuíto para diferentes categorías de motociclismo
4 Sep 2026
O Circuíto de Outeiro de Rei será este sábado e domingo, 5 e 6 de setembro, escenario dunha nova proba da VF Challenge Moto Race, unha cita que reunirá afeccionados e pilotos do mundo do motociclismo nunha fin de semana marcada pola velocidade e a competición.
A proba contará coa participación de pilotos en diferentes modalidades e categorías, entre elas Supermoto, Pitmotard, Minimotos GP Sport, Minivelocidade e as Copas VF90 e VF160.
Durante a fin de semana, o público poderá achegarse ao circuíto para desfrutar dunha competición que combina a espectacularidade das carreiras coa presenza de diferentes modalidades de motociclismo nun mesmo evento.