Pedrafita do Cebreiro acollerá un obradoiro gratuíto de feltro dentro do programa Mans Artesás 2026
A Casa da Cultura de Pedrafita do Cebreiro acollerá este martes 21 de xullo, entre as 10.00 e as 14.00 horas, un obradoiro de feltro incluído na programación de Mans Artesás 2026.
A actividade estará impartida por María Monsalve Chico e está destinada a persoas maiores de 10 anos, cun máximo de oito participantes simultaneamente para garantir o correcto desenvolvemento da sesión.
A organización informa de que os participantes con idades comprendidas entre os 10 e os 18 anos deberán asistir acompañados por unha persoa maior de idade que se responsabilice deles durante a actividade.
O obradoiro está organizado polo Concello de Pedrafita do Cebreiro e conta coa colaboración da Vicepresidencia da Deputación de Lugo, dentro dunha iniciativa que busca promover a artesanía e achegar diferentes técnicas artesanais á cidadanía a través de actividades formativas.