Pol e Meira impulsan o programa de banco de casas, terras e negocios
Co obxectivo de loitar contra a despoboación e aproveitar os bens sen uso, o GDR3, ao que pertencen os concellos de Pol e Meira, pon en marcha unha plataforma para axudar a poñer estas propiedades a disposición de persoas interesadas.
O Banco de Terras de Galicia é un instrumento co que se pretende regular o uso e aproveitamento de parcelas con vocación agraria, co dobre obxectivo de evitar o seu abandono e de poñelas a disposición de todas aquelas persoas que necesiten terra para usos agrícolas, gandeiros, forestais, de conservación da natureza e patrimonio ou outros usos de interese social.
Deste xeito, os propietarios dunha casa, finca ou negocio sen uso e as persoas interesadas en vir ao rural poderán sumarse a este programa poñéndose en contacto co seu respectivo Concello ou a través do GDR no correo montes.vales.orientales@gmail.com.
Os interesados en participar poden informarse das terras dispoñiubles a través da web volveralpueblo.org.
