Tino Saqués traspasa as súas accións do Club Deportivo Lugo a Ronald Baroni
LugoXa
Segundo informou a entidade, o vindeiro martes 17 de xuño, ás 12:00 horas, celebrarase unha rolda de prensa na que se darán a coñecer máis detalles sobre o novo proxecto
12 Jun 2025
O Club Deportivo Lugo anunciou este mércores que se formalizou a transmisión do paquete maioritario de accións que pertencía a Tino Saqués en favor do grupo empresarial liderado por Ronald Baroni.
Con este cambio, ábrese unha nova etapa na historia recente do club lucense, que pasa a mans dun novo propietario tras anos de xestión por parte do que ata agora era o máximo accionista.
Segundo informou a entidade, o vindeiro martes 17 de xuño, ás 12:00 horas, celebrarase unha rolda de prensa na que se darán a coñecer máis detalles sobre o novo proxecto que encabezará o grupo de Baroni e que marcará o inicio desta nova etapa institucional e deportiva para o conxunto galego.