Sete deportistas da Escola Deportiva Shihan representaron a Galicia no Campionato de España Infantil
Esta fin de semana, sete deportistas da Escola Deportiva Shihan levaron con orgullo o nome de Galicia ao Campionato de España Infantil, celebrado en Logroño, amosando un gran nivel competitivo e espírito deportivo.
Entre os resultados máis destacados, Iria Enríquez acadou subir ao podio cunha medalla de bronce na categoría de Kumite Infantil Feminino -30 kg, tras unha brillante actuación que a situou entre as mellores do país.
Pola súa banda, Carmen Cendán conseguiu un meritorio 5º posto en Kumite Alevín Feminino -26 kg, quedando ás portas das medallas tras unha competición moi axustada. Tamén tiveron unha destacada participación Lorena Román, que acadou o 7º posto en Kata Benxamín Feminino, e Adrián Liz, que logrou a sétima posición en Kumite Infantil +45 kg.
A Escola Shihan quere felicitar tamén o esforzo e a dedicación de Carla Pérez, Ángela Buide e Mencía Vilas, que completaron a delegación galega, amosando compromiso e paixón polo deporte en cada combate e exhibición.
Desde a Escola Deportiva Shihan celébrase non só o éxito nos resultados, senón tamén a experiencia vivida e o crecemento destes novos atletas nunha das citas máis importantes do calendario nacional.