Unha cacelorada mostra a negativa ao peche do colexio de Baamonde
Un centenar de nenos, pais, veciños e visitantes colleron potas, tambores e cazos para lembrar a súa negativa ao proxecto do alcalde que pretende unificar os colexios de Begonte e Baamonde no primeiro e facer no segundo un conservatorio de música.
Os manifestantes, entre os que se atopaba a Federación de Anpas de Lugo, a Federación de Asociacións de Veciños de Lugo Lucus Augusti, o sindicato STEG e partidos políticos, entre outros, elevaron a voz coa proclama “Do cole de Baamonde, non nos moverán! Non ao peche do colexio de Baamonde!”.
Novamente, fixeron un percorrido pola zona e se concentraron ante o colexio para ler as súas reivindicacións e asegurar que "non estamos en contra do conservatorio e auditorio; non á conta do peche do colexio."
Este tipo de concentracións, que organizan dende a anpa do colexio e a asociación de veciños, están condicionadas pola falta de resposta do conselleiro de Educación ás preguntas remitidas por eles a pasada semana, tras varias contradicións nas respostas desde diferentes organismos.
