A 7ª Festa da Troita do Río Miño lembrará a David García 'Tuercas'
![7 festa troita rio mino Ponte de Outeiro 2022 1](https://lugoxa.com/wp-content/uploads/2022/04/7-festa-troita-rio-mino-Ponte-de-Outeiro-2022-1.jpg)
A sociedade deportiva e cultural Amigos do Miño ten previsto celebrar entre o 22 e 23 abril a súa 7ª Festa da Troita do Río Miño na que lembrará a David García 'Tuercas', socio da entidade e falecido no 2019.
David García 'Tuercas', que era veciño de Bazar, ía recibir a homenaxe no 2020 pero coa chegada da pandemia tivo que ser retrasada.
A festa dará comezo na noite do venres 22 de abril ás 22.00 horas co sorteo de dorsais para así, o sábado 23, comezar os concursos ás 9.00 horas. Os concursos son de lance, cebo e mosca e desenvolveranse nos coutos de Terra Chá, Castro de Rei e Cospeito e libre sen morte do Azúmara.
Xa para as 13.00 horas estará rematado o concurso e farase a pesaxe das pexas capturadas. Acto seguido será o xantar de irmandade e a sesión vermú que inclúe sobremesa a cargo do Dúo Musical Explosión. Finalmente pola tarde, ás 17.00 horas, será a entrega dos trofeos.
Para participar é necesario anotarse antes do 18 de abril e ademais hai un número de prazas limitadas. Para facelo haberá que chamar ao teléfono 616 703 373.