A Asociación Cultural Camiño Primitivo de Baleira celebra a II Romaría Tradicional da Cortevella
LugoXa
O encontro terá lugar o 23 de maio cunha proposta centrada na música, a tradición e a cultura popular
7 May 2026
A Asociación Cultural Camiño Primitivo de Baleira organiza a celebración da II Romaría Tradicional da Cortevella, que terá lugar o vindeiro 23 de maio e que se presenta como un encontro centrado na música, a tradición e a cultura popular.
A entidade adianta que se tratará dun evento no que a cultura popular será a protagonista e no que se combinarán diferentes propostas vinculadas ao patrimonio inmaterial e ás expresións tradicionais do territorio.
Desde a organización avanzan ademais que proximamente darán a coñecer a programación completa, así como as actividades e sorpresas que están preparando con especial dedicación para esta nova edición.