Eventos | Axenda

A cita celebrarase o 1 de agosto de 2026 na praza do Cádavo cunha xornada dedicada á música, á tradición e á convivencia

A Asociación Cultural Camiño Primitivo de Baleira anuncia a posta en marcha da II Festa Foliada do Emigrante, unha celebración que terá lugar o vindeiro 1 de agosto de 2026 na praza do Cádavo, en Baleira, e que se presenta como unha xornada especial centrada na música, a tradición e o encontro comunitario.

A organización avanza que aínda se está a traballar na programación con especial coidado e dedicación, aínda que sinala que en breve se dará a coñecer o programa completo da festa.

Desde a asociación convidan á veciñanza a marcar a data na axenda e a estar atenta ás próximas novidades, xa que o evento promete unha xornada chea de música, tradición e boa compañía.