A Praza Maior de Lugo acolle a exposición ‘Rostros’, un percorrido polo retrato na arte galega
A Praza Maior de Lugo acolle unha nova exposición titulada "Rostros", unha proposta que afonda nas distintas formas nas que os artistas interpretaron e continúan interpretando o retrato ao longo da historia da arte.
A mostra invita a achegarse aos rostros representados nas obras desde diferentes perspectivas, atendendo tanto aos recordos e historias das persoas retratadas como ás sensacións e emocións que transmiten. Ao mesmo tempo, permite observar como as fórmulas empregadas para representar a figura humana foron evolucionando desde finais do século XIX ata os nosos días, en paralelo aos diferentes movementos artísticos.
"Rostros" presenta unha selección de obras galegas pertencentes ás Coleccións de Arte ABANCA e Afundación, reunindo traballos de destacados nomes da creación artística de Galicia.
Entre os autores presentes na exposición atópanse Sotomayor, Ramón Caamaño, Julia Minguillón, María Antonia Dans, Segura Torrella, Maruja Mallo, Laxeiro e Luís Seoane, entre outros artistas.
Deste xeito, a proposta ofrece un percorrido pola evolución do retrato na arte galega e pola maneira na que os creadores foron explorando novas linguaxes para representar as persoas, a súa identidade e o seu mundo interior.