A Semana de Cine de Lugo achegará o cinema infantil de balde a 1.100 escolares
Un total de 1.100 nenos e nenas de varios centros educativos lucenses asistirán de balde ás proxeccións infantís programadas dentro da Semana de Cine de Lugo, que arrancará este luns.
As sesións celebraranse de martes a venres, ás 11.00 horas, na Casa do Saber da Universidade de Santiago de Compostela (USC) e na Biblioteca Provincial de Lugo. O programa inclúe a proxección das películas La luz de Aisha, Campamento Garra de Oso, Heidi e Olivia y el terremoto invisible.
O alumnado participante procede dos CPR San José, Colexio Maristas, CEIP Anexa, CEIP Gándaras, CEIP Menéndez Pelayo, Colexio Franciscanos, CEIP Illa Verde, EEI Fingoi 2 e CEIP Rosalía de Castro.
A iniciativa permitirá achegar o cinema ao público infantil a través dunha programación específica e facilitará que os escolares poidan desfrutar das películas dentro da programación da Semana de Cine de Lugo.