A Sociedade Filarmónica de Lugo organiza un concerto da Real Filharmonía de Galicia
A Sociedad Filarmónica de Lugo celebrará este venres 29 de maio un novo concerto dentro da súa programación musical. A cita terá lugar ás 20.00 horas no Círculo das Artes de Lugo e contará coa actuación da Real Filharmonía de Galicia.
A formación estará dirixida pola violinista e directora Amandine Beyer, recoñecida internacionalmente pola súa especialización na interpretación de música antiga.
O programa do concerto incluirá a interpretación da Suite número 1 da Música Acuática, do compositor Georg Friedrich Händel; a Sinfonía número 4 en do maior, de Carl Friedrich Abel; e a Abertura e Suite de Amadís de Gaula, de Johann Christian Bach.
A actuación forma parte da actividade cultural que a Sociedade Filarmónica de Lugo desenvolve ao longo do ano coa finalidade de achegar ao público lucense concertos de música clásica e promover a difusión de grandes formacións e intérpretes do panorama musical nacional e internacional.