A Tradescola organiza “Sons de maio” con audicións do alumnado e profesorado na Praza da Soidade
A Tradescola, iniciativa da Asociación de Gaiteiros Galegos, celebrará esta semana unha nova edición de “Sons de maio”, un ciclo de audicións abertas ao público protagonizadas polo alumnado e profesorado do centro. As actuacións terán lugar na Praza da Soidade e contarán coa participación das diferentes aulas da escola de música tradicional.
O programa comezará o martes 12 de maio ás 19:00 horas coas aulas de canto e pandeireta, pandeira e baile tradicionais. As actividades continuarán o mércores 13 de maio ás 19:30 horas coas aulas de gaita, acordeóns e percusión tradicional. O xoves 14 de maio, tamén ás 19:30 horas, celebraranse as actuacións das aulas de zanfona e de canto e pandeireta. Por último, tras un cambio de día, o luns 18 de maio ás 18:00 horas pecharase o programa coas aulas de gaita e percusión tradicional.
Desde a Tradescola destacan que estas audicións permiten ao alumnado compartir co público o traballo realizado ao longo do curso, ao tempo que contribúen á difusión e posta en valor da música tradicional galega.