Abertas as inscricións para a programación de Nadal do Vello Cárcere
O Vello Cárcere acolle varias actividades gratuítas para os máis pequenos durante este Nadal.
O espazo de lecer destinado a nenos e nenas de 3 a 8 anos estará dispoñible os días 10 e 17 de decembro en dúas quendas con contacontos miúdos. O primeiro Barbar e Papá Noel e o segundo O Castiñeiro do Apalpador.
Os días 11 e 18 de decembro tamén haberá unha quenda de mañá con Cousiñas xeitosas de Nadal.
A biblioteca acollerá actividades destinadas a rapaces entre 3 e 12 anos durante varios días. O 21 de decembro ás 17.30 terá lugar unha actividade para realizar postais de Nadal a toda cor.
O 28 de decembro ás 17.30 a biblioteca acollerá a actividade de Monifantes inocentes a toda cor mentres que o 4 de xaneiro os máis pequenos poderán realizar Brinquedos tradicionais tamén ás 17.30.
A reserva de praza realizarase a través do correo electrónico vellocarcere@lugo.gal e para máis información está dispoñible o teléfono 982 297 195
