As Escolas de Música Crisanto organizan un encontro de directores en Lugo
As Escolas Mancomunadas de Música de Rábade, Begonte, Outeiro de Rei e Friol, en colaboración co CSM de Galicia, promoven o seu II Encontro de Dirección en Lugo os días 28, 29, 30 e 31 de outubro de 2021.
A programación consistirá en sesións de formación sobre materia a desenvolver na aula e prácticas con agrupación instrumental, que se desenvolverán na Escola de Música de Lugo e no Museo Interactivo, respecticamente durante os tres primeiros días.
O domingo haberá concertos no Auditorio de Vilalba, ás 12.00 e no Círculo das Artes de Lugo ás 18.00 horas.
Nesta actividade participarán directores de diversas procedencias, tanto de dentro como de fóra de Galicia.
O director do encontro será Cristóbal Oler, director das orquestras do Teatro Real, RTVE, Nacional de España e presidente da Asociación Española de Directores de Orquestra.
Haberá clases abertas teóricas e prácticas para os alumnos que desexen asistir como oíntes.
