As piscinas municipais de Castroverde reabren tras recibir resultados favorables das analíticas
O Concello de Castroverde anunciou a reapertura das piscinas municipais a partir deste mércores 12 de agosto de 2026, despois de permanecer pechadas nos últimos días debido a unha incidencia que obrigou a adoptar medidas preventivas.
Segundo informou o Goberno local, durante este período realizáronse os tratamentos correspondentes e os controis sanitarios establecidos para garantir a seguridade das instalacións. Unha vez recibidos os resultados favorables das analíticas efectuadas, o Concello decidiu reabrir as piscinas ao público con todas as garantías sanitarias.
Desde a administración municipal agradeceron a comprensión e a paciencia amosadas polas persoas usuarias durante os días nos que as instalacións permaneceron pechadas.
O Concello aproveitou tamén para facer un chamamento á responsabilidade e ao respecto polo uso das instalacións municipais, co obxectivo de garantir o seu correcto funcionamento e que a veciñanza poida seguir desfrutando deste servizo en condicións adecuadas durante o resto da tempada estival.
As piscinas municipais de Castroverde xa se atopan de novo abertas ao público e funcionando con normalidade.