Castroverde acollerá o Maratón de Fútbol Sala os días 12, 13 e 14 de xuño
O Castroverde Fútbol Sala organiza unha nova edición do Maratón de Fútbol Sala de Castroverde, que se celebrará os vindeiros días 12, 13 e 14 de xuño no municipio de Castroverde.
O torneo, que cada ano reúne a decenas de equipos procedentes da comarca e doutras zonas, promete unha fin de semana marcada pola emoción deportiva, o bo ambiente e o carácter festivo que xa o consolida como unha das citas destacadas do fútbol sala afeccionado.
A organización avanza que a inscrición será ata o día 10 de xuño e a participación ten un custo de 150 euros por equipo, sendo imperativo que se apuntes, polo menos, 24 equipos ao maratón.
Con respecto aos premios, o equipo gañador recibirá 1.000 euros e trofeo, mentres que o segundo clasificado será premiado con 500 euros e trofeo. O terceiro posto levará 200 euros e trofeo, o mesmo ca o cuarto, e os equipos situados do quinto ao oitavo posto recibirán 150 euros cada un.
As persoas interesadas en participar poden obter máis información ou formalizar a súa inscrición a través dos teléfonos 690 128 689 e 626 278 946, ou ben mediante o correo electrónico castroverdefs@hotmail.com.
O Maratón de Fútbol Sala de Castroverde converterá así o municipio nun punto de referencia do fútbol sala galego durante tres intensas xornadas nas que o deporte e a convivencia serán os grandes protagonistas.