Infraestructuras

Os traballos contaron co financiamento do Plan Deputación de Lugo e buscan facilitar os desprazamentos e mellorar os accesos ás aldeas do municipio

O Concello de Cervantes executou obras de acondicionamento nos camiños de Soutelo cun investimento de 12.768 euros, financiados a través do Plan Deputación de Lugo.

A intervención forma parte das actuacións municipais destinadas a mellorar a rede viaria local e favorecer a mobilidade da veciñanza, especialmente nas zonas rurais.

O Goberno local mantén así os traballos para atender as necesidades das aldeas e avanzar na mellora das infraestruturas e dos servizos municipais.