Chega o VI Encontro Xacobeo Peregrinas a Portomarín
O Concello de Portomarín realiza este xoves 12 de agosto o sexto encontro Xacobeo Peregrinas na praza do Camiño.
O acto estará presentado por Cristina Maró e terá coma convidadas a Laurie Dennet, Begoña Fernández e Lis Teuntor. A primeira é unha escritora canadense autora de nove libros e responsable de numerosos artigos de prensa e intervencións en radio sobre o Camiño de Santiago.
En canto a Begoña Fernández, é xogadora de balonmán e capitana da selección española, coa que conseguiu unha medalla de bronce nos Xogos Olímpicos de Londres. Finalmente, Lis Teuntor é unha pianista e compositora residente na Coruña.
Así pois, Portomarín acollerá esta cita que se levará a cabo ás 18 horas e na que haberá entrada libre ata completar aforo. Así pois, tamén se poderá seguir en directo pola web Camiño Xacobeo, pola súa canle de YouTube ou pola súa conta de Facebook.
