Continúa o outono teatral no Escenario Hipócrita coa obra 'Camiños e carreiros'
O Circuíto Galego de Teatro Amador promovido por FEGATEA trae unha nova peza ó Escenario Hipócrita este sábado 12 de outubro ás 20.oo horas. Trátase da comedia para todos os públicos Camiños e carreiros, do grupo de Vedra Andaravía Teatro. Camiños e carreiros é unha obra dirixida por Clara Gayo ambientada no Camiño de Santiago como espazo de encontro entre culturas, intereses e inquedanzas.
Dous veciños de Vedra unen as súas forzas para poder sacar uns cartos extras beneficiándose da proximidade do Camiño. Estarán preparados para atender e comprender as novas demandas do camiño do século XXI? As entradas, ó prezo de 3 euros, poderán adquirirse no propio local dende unha hora antes da función. A programación continuará o sábado 26 de outubro coa posta en escena de Arte, de Hipócrita Teatro.