Rural

A parroquia de Palas de Rei reunirá aos veciños o 24 de xuño nunha celebración con sesión vermú, xantar popular e animación musical a cargo do Dúo Son de Festa

A parroquia de Cubelo, no concello de Palas de Rei, xa prepara a celebración do San Xoán 2026 cunha xornada festiva que terá lugar o mércores 24 de xuño. A comisión organizadora aposta por un programa pensado para reunir a veciñanza arredor da tradición, a gastronomía e a música.

O prato forte da xornada será a comida popular, que se celebrará ás 15.00 horas no campo da festa, baixo carpa cuberta. O menú estará composto por calamariños, mexillóns, croquetas e churrasco á fartura. O prezo será de 30 euros por persoa e as reservas deberán realizarse antes do 19 de xuño no teléfono 695 12 67 06.

A programación arrancará coa sesión vermú, amenizada polo Dúo Son de Festa, que tamén será o encargado de poñer ritmo á sesión da tarde unha vez rematado o xantar.

Deste xeito, Cubelo converterase nun punto de encontro para veciños e visitantes nunha das datas máis sinaladas do calendario festivo galego, cunha proposta que combina convivencia, gastronomía e música en directo.