Iria Castro solicitou á Subdelegación do Goberno máis vixilancia na zona de influencia do Museo Provincial
A deputada de Cultura Iria Castro e a subdelegada do Goberno en Lugo Olimpia López mantiveron esta mañá unha reunión en relación coa seguridade do Museo Provincial de Lugo.
A xuntanza, organizada a petición da institución provincial, centrouse na preocupación extendida tras as últimas sustraccións de pezas en museos españois – no Museo Arqueolóxico Provincial de Badajoz, no Museo de Albacete ou no Museo de Villena – e as advertencias lanzadas desde organismos de seguridade como Europol en relación cos obxectivos e a evolución de roubos nos museos
A responsable provincial solicitou á Subdelegación do Goberno o reforzo da vixilancia das zona de influencia do Museo Provincial de Lugo por parte das forzas de seguridade do Estado, como medida complementaria aos protocolos e recursos propios do centro museístico, que conta con persoal de seguridade as 24 horas.