Lugo Sur Conturiz reforza a súa actividade cultural cunha conferencia médica
A Asociación Cultural Lugo Sur Conturiz celebrou unha conferencia médica centrada nas infeccións emerxentes, impartida polo doutor Lorenzo Armenteros, portavoz da Sociedade Española de Médicos de Familia, na que se abordou o impacto do hantavirus no contexto sanitario actual.
Desde a entidade destacan a boa acollida da actividade e agradecen a asistencia do público, así como a colaboración do Hotel Torre de Núñez, que cedeu as súas instalacións de forma desinteresada para o desenvolvemento do acto. A asociación tamén puxo en valor o labor da súa xunta directiva e o acompañamento de representantes das administracións públicas presentes na xornada.
Ademais, Lugo Sur Conturiz participa na presentación do documental Madre y maestra, impulsado pola asociación Vecinos Galegos, unha obra que rende homenaxe ás mulleres pioneiras de diferentes profesións na década dos anos 50. A presentación do proxecto, presentado polo fotógrafo documentalista Serafín R. Trashorras, terá lugar este mércores ás 20:30 horas no local social de Gallegos, nun acto aberto ao público que busca poñer en valor o papel das mulleres pioneiras e reforzar a difusión cultural na contorna.