Negueira de Muñiz celebrará as súas festas patronais os días 14 e 15 de agosto
Negueira de Muñiz xa ten preparado o programa das súas festas de agosto, que se desenvolverán os días 14 e 15 cunha combinación de actividades gastronómicas, relixiosas e musicais para todas as idades.
A celebración arrancará o xoves 14 de agosto coa tradicional Festa da Tortilla, que dará comezo ás 20.00 horas nos bares da localidade. A xornada continuará coa verbena, prevista para as 22.00 horas, amenizada polo Dúo Estrellas.
O día grande das festas será o venres 15 de agosto coa romaría na honra da Virxe da Veiga. A programación relixiosa incluirá unha misa ás 13.30 horas, mentres que pola tarde haberá propostas de lecer para os máis pequenos.
Así, a partir das 17.00 horas desenvolveranse xogos infantís e actividades acuáticas, que darán paso media hora máis tarde á festa e verbena con animación musical a cargo da Charanga BCB e de Rocío e o seu acordeón.
O programa busca reunir veciñanza e visitantes arredor dunha das citas festivas máis destacadas do verán no municipio, combinando tradición, gastronomía e música en directo.