O Auditorio Fuxan Os Ventos e o MIHL acollen cinco novos eventos culturais
O Concello de Lugo anunciou unha nova programación cultural que se desenvolverá entre o 6 e o 28 de decembro no Auditorio Fuxan os Ventos e no MIHL, con cinco propostas que combinan teatro, música e circo.
A concelleira de Cultura, Maite Ferreiro, destacou que se trata de “actividades variadas e de calidade”, con espectáculos como El Barbero de Picasso, con Pepe Viyuela, e un proxecto froito dunha investigación artística internacional de Hong Kong, Europa e Australia.
A programación inclúe o teatro multimedia “7O∆R” de MBow LTD (Hong Kong S.A.R.) coa participación de Fronte Vacuo no MIHL o 6 de decembro ás 18:30 horas e 20:30 horas; El Barbero de Picasso no Auditorio Fuxan os Ventos o 7 de decembro ás 20:30 horas; a actuación musical de Uxía Pedreira con “Basal” o 19 de decembro ás 20:30 horas na Sala Pequena; o circo de Reinventio o 27 de decembro ás 18:00 horas e 20:30 horas; e o espectáculo musical “Resoando no pasado” de Abraham Cupeiro o 28 de decembro ás 18:00 horas e 20:30 horas, completando unha oferta diversa para toda a veciñanza.