O Castro de Viladonga organiza un obradoiro sobre as propiedades das plantas na época castrexa

LugoXa | TerraChaXa
A actividade celebrarase o 22 de novembro, de 11.00 a 14.00 horas, e estará impartida por Lola Tourón
curso-botica-castro-de-viladonga
16 Nov 2026

O Museo do Castro de Viladonga acollerá o vindeiro 22 de novembro o obradoiro Botica no Castro de Viladonga, unha proposta centrada na relación que as sociedades que habitaron os castros mantiñan coa paisaxe e cos recursos naturais da súa contorna.

A actividade desenvolverase entre as 11.00 e as 14.00 horas e estará dirixida por Lola Tourón. Durante a sesión abordaranse os diferentes aproveitamentos que estas comunidades podían facer das plantas, desde a recollida de landras e a obtención de leña ata o uso de materias primas para actividades como a cestería, o tecido, a elaboración de tintes, a fundición ou a construción.

O obradoiro tamén afondará nas propiedades das plantas e nos seus posibles usos, co obxectivo de descubrir especies silvestres que puideron existir no territorio durante a Idade do Ferro e a época galaico-romana.

As persoas interesadas en participar deberán realizar unha inscrición previa no teléfono 982 870 160. As prazas asignaranse por rigorosa orde de inscrición.

0.19329380989075