O CD Lugo celebra o Arde Lucus con dúas camisetas que renden homenaxe ás raíces da cidade
O Club Deportivo Lugo volve sumarse á celebración do Arde Lucus cunha proposta que une fútbol e historia: o lanzamento de dúas camisetas conmemorativas baixo o lema 'Herdeiros dun legado'.
Inspiradas nos dous grandes mundos que deron orixe á cidade, o imperio romano e a cultura castrexa, as pezas foron deseñadas polo mesmo equipo que ideou as exitosas Camiseta Caña e Camiseta Pulpo.
A camiseta romana recrea unha armadura de lexionario, con acabados metálicos e detalles dourados que evocan o pasado militar de Lucus Augusti.
A versión castrexa, pola súa banda, bebe da tradición dos antigos pobos galaicos, con texturas que lembran o coiro e os tecidos rústicos, nun tributo ao espírito resistente dos primeiros habitantes do territorio lucense.
Ambas prendas mesturan historia, deseño e identidade albivermella.