O Facela Fest celebra o seu décimo aniversario en Lugo cun cartel cheo de indie e propostas emerxentes
O Facela Fest celebra este ano a súa décima edición consolidado como unha das citas alternativas de referencia na cidade de Lugo. O festival desenvolverase os días 6, 7, 8 e 9 de maio, nunha edición especial coa que a organización conmemora dez anos de traxectoria.
A organización vén de facer públicos os primeiros nomes do cartel do Facela 10. Entre os artistas confirmados atópanse Australian Blonde, referente do indie estatal; Pacífica; Axolotes Mexicanos; Toldos Verdes; Los Palms; Sigilu; Filophóbicas; Error 97 e Ripship. Nos vindeiros días anunciaranse novas incorporacións ao programa.
O festival mantén a súa aposta por combinar bandas consolidadas con propostas emerxentes, ofrecendo ao público unha programación variada dentro da escena independente actual.