Cultura

A actuación terá lugar o xoves 14 de maio ás 21.30 horas nunha cita especial de fin de tempada

O grupo de teatro improvisado de Lugo Improdutivas actuará de novo no Club Clavicémbalo nunha cita que terá lugar o xoves 14 de maio a partir das 21.30 horas, dentro da programación da Impro Teatral.

Trátase dunha función especialmente emotiva para o grupo, xa que se cumpre un ano desde a súa estrea neste espazo cultural e coincide ademais co último xoves da tempada, antes da próxima cita programada para o mes de xuño.

Desde a formación animan ao público a asistir e vivir unha noite única e irrepetible, marcada pola improvisación e a participación, nun ambiente próximo e dinámico no emblemático local lucense.