O Museo Provincial acolle un diálogo sobre Rosalía de Castro
![Museo provincial rosalia de castro portada](https://lugoxa.com/wp-content/uploads/2023/02/Museo-provincial-rosalia-de-castro-portada.jpg)
O vindeiro mércores 22 de febreiro o Museo Provincial de Lugo celebra o Día de Rosalia cun acto ás 19.00. Diálogo de Saberes arredor de Rosalia de Castro contará coa participación de Marica Campo, Luz Darriba e Helena Villar Janeiro.
A benvida e presentación será a cargo de Tareixa Antía Ferreiro Tallón, vicepresidenta da Deputación de Lugo e a moderadora será Encarna Lago González.
Esta actividade forma parte do programa Encontros no Rural. Diálogo de Saberes, e inclúese no I Foro expandido de Museoloxía Social da Rede Museística Provincial de Lugo que desenvolve unha ampla programación con propostas variadas ao longo do ano 2023 para e con todo tipo de comunidades.
A entrada a esta actividade é libre até completar aforo e para realizar a inscrición previa será necesario enviar un correo electrónico ao seguinte enderezo: concertacionsrmp@mail.com
![Museo Provincial Rosalia de Castro](https://lugoxa.com/wp-content/uploads/thumbs/2023/02/Museo-Provincial-Rosalia-de-Castro-200x104.jpg)