Cultura

A Asociación de Veciños Airamonte organiza a representación de 'Raio the Loubican (Mitade lobo, mitade can)', a cargo de Micromina Teatro de Títeres, ás 19:00 horas

A antiga Escola de Nenos de Laxosa, no Corgo, acollerá este sábado, 14 de novembro, unha nova cita teatral organizada pola Asociación de Veciños de Laxosa Airamonte.

A proposta será o espectáculo 'Raio the Loubican (Mitade lobo, mitade can)', da compañía Micromina Teatro de Títeres, previsto para as 19:00 horas.

A actividade está dirixida tanto ao público infantil como ao adulto e busca ofrecer unha tarde de entretemento en familia arredor do teatro de monicreques.

Desde a asociación animan á veciñanza a achegarse á antiga escola e participar nesta iniciativa para recuperar a actividade cultural neste espazo.