Ousadías leva a Xermade un obradoiro gratuíto de teatro de improvisación
LugoXa | TerraChaXa
O grupo lucense impartirá a actividade o domingo 15 de novembro na Escola Habaneira de Roupar, de 11:30 a 13:30 horas, sen necesidade de experiencia previa
8 Nov 2026
O grupo de improvisación teatral lucense Ousadías levará a Xermade un obradoiro gratuíto de teatro cómico co que busca achegar a improvisación á provincia e ofrecer un espazo para divertirse, rir e compartir unha mañá diferente.
A actividade terá lugar o vindeiro domingo 15 de novembro, entre as 11:30 e as 13:30 horas, na Escola Habaneira de Roupar. Non é necesario contar con experiencia teatral previa, xa que está dirixida a todas as persoas que teñan ganas de participar e pasalo ben.
As prazas son limitadas para facilitar a participación de todas as persoas asistentes. As inscricións poden realizarse enviando unha mensaxe de WhatsApp ao número 678 744 178 antes do xoves 12 de novembro. A participación é gratuíta.