Portomarín mellora unha pista en Soengas de Abaixo para reforzar a seguridade viaria
O Concello de Portomarín vén de executar traballos de mellora nunha das pistas de Soengas de Abaixo, unha intervención orientada a optimizar o estado da rede viaria municipal e facilitar os desprazamentos da veciñanza. As actuacións enmárcanse na estratexia local de conservación e acondicionamento das infraestruturas rurais.
Estas obras permitirán incrementar a seguridade e a accesibilidade na zona, ao tempo que contribúen a mellorar as condicións de circulación tanto para vehículos particulares como para o tránsito agrícola e de servizos. A rede viaria municipal resulta esencial para a vida diaria dos residentes, especialmente en contornas rurais onde as comunicacións condicionan o acceso a servizos básicos.
O alcalde de Portomarín, Pablo Rivas, subliñou a relevancia destes traballos, incidindo en que este tipo de actuacións son fundamentais para seguir garantindo conexións axeitadas entre parroquias e núcleos de poboación, así como para favorecer o desenvolvemento do rural.