Unha avaría na rúa Castelao obrigará a interromper a subministración de auga este venres pola tarde
LugoXa
O Concello de Lugo solicita paciencia á veciñanza mentres se realizan os traballos para reparar a incidencia
10 Jul 2026
O Concello de Lugo informou de que este venres 10 de xullo producirase un corte no servizo da rede municipal de subministración de auga debido a unha avaría nunha instalación privada situada na rúa Castelao.
A interrupción do servizo terá lugar durante a tarde e manterase mentres se desenvolven os traballos necesarios para reparar a incidencia e restablecer o abastecemento con normalidade.
Desde o Concello solicitaron comprensión e paciencia á veciñanza afectada polas molestias que poida ocasionar esta actuación, ao tempo que aseguraron que se traballará para solucionar a avaría no menor tempo posible.