Xulio Fontes inaugura en Lugo a exposición “Mulleres” no Vello Cárcere
O artista Xulio Fontes presenta a exposición “Mulleres”, unha mostra que abrirá as súas portas este venres 5 de xuño no Centro Sociocultural O Vello Cárcere de Lugo e que permanecerá aberta ao público ata o 15 de xullo.
A inauguración terá lugar ás 20.00 horas e o acto contará coa intervención de Mercedes Vázquez Saavedra, encargada da presentación oficial da exposición.
A mostra, centrada na figura feminina, reúne unha selección de obras de Xulio Fontes nas que o artista desenvolve a súa particular linguaxe plástica, combinando formas, volumes e simbolismo para ofrecer unha reflexión arredor da muller e do seu papel na sociedade.
O proxecto expositivo está comisariado por Dolores Guerrero e Manuel Estévez, que acompañan esta proposta artística que poderá visitarse durante máis dun mes nas instalacións do Vello Cárcere.