A IV Ruta Cabalar de Orbazai celebrarase o 17 de abril de 2027

LugoXa
O Grupo Cabalar Orbazai confirma a nova data da cita, que incluirá un percorrido a cabalo pola parroquia lucense, actuacións musicais, sorteos e agasallos para as persoas participantes
Ruta-Cabalar-Orbazai
16 Nov 2026

O Grupo Cabalar Orbazai vén de confirmar a nova data da súa IV Ruta Cabalar de Orbazai, que terá lugar o vindeiro 17 de abril de 2027. A celebración volverá reunir as persoas afeccionadas ao mundo do cabalo nunha xornada que combinará un percorrido polos camiños da parroquia lucense con actividades festivas, actuacións, sorteos e agasallos para as persoas participantes.

A cita alcanzará así a súa cuarta edición, despois da celebrada en 2026, que contou cun programa que comezou ás 9:00 horas cun café de benvida e continuou, ás 10:00 horas, coa saída da ruta a cabalo polo contorno natural de Orbazai. Durante o percorrido tamén se ofreceron pinchos ás persoas asistentes.

Ao remate da ruta, a xornada continuou cunha sesión vermú amenizada pola orquestra Los Españoles e unha comida popular. Pola tarde, a mesma formación volveu actuar, antes dun sorteo de agasallos e unha pancetada que puxo o broche final á celebración.

0.15042901039124